Ungdomslos og miljøarbeidar

Eining for kultur har ledige stillingar som med fordel kan kombinerast

Ungdomslos - 50% fast stilling og Miljøarbeidar – 30% prosjektstilling

Stillingane vil vere knytt til Kulturavdelinga som utfører tenester innanfor folkehelse, idrett og friluftsliv, ungdomsarbeid, kulturskole, bibliotek, frivilligsentral, samt lokalhistorisk arbeid.

Om stillinga Ungdomslos

Ungdomslosen arbeider førebyggande og tiltaksretta for at barn og unge i ein vanskeleg livssituasjon skal få samordna tilbod og tettare oppfølging. Ungdomslosen arbeider med barn og unge som står i fare for å falle ut

av skole og meiningsfulle aktivitetar, eller som allereie har falle ut.

Losen skal i all hovudsak vere tilgjengeleg og fleksibel med fokus på relasjonsbygging. Heilskapleg samarbeid for 24-timars barnet/ungdommen blir gjort i tett samarbeid med familie, skole og andre hjelpetenester i kommunen, og er vesentleg for resultatet. Målet er å styrke ungdommane sin skoletilknyting, trivsel og meistring i samarbeid med alle involverte tenesteområde. Ungdomslosen vil ha arbeidsoppgåver på Julsundet og arbeider i team med losen som arbeider på Gossen.

Arbeidsoppgåver

• Vere tilgjengeleg for ungdommane og til stades på deira arenaer
• Systematisk identifikasjon og oppfølging av utsette barn og ungdom i samarbeid med skolane og andre samarbeidspartar
• Vere opptatt av å finne dei rette tiltaka som kan vere med å styrke trivsel og meistring
• Vere støttespelar og ein trygg relasjon, som er avgjerande for å finne dei gode løysingane i lag med barnet/ungdommen
• Vere pådrivar og tilretteleggjar for at tiltak er heilskapleg og tilrettelagt i samarbeid med ungdommen, foreldra, skolen og aktuelle samarbeidspartar
• Medverke til at det heilskaplege arbeidet på tvers av tenesteområda blir styrka

Krav til søkar

• Høgskule/universitetsutdanning innan helse-/sosialfag, pedagogikk eller anna relevant utdanning.
• Erfaring frå arbeid med ungdom og deira familiar
• Personleg eignaheit og relasjonskompetanse
• Kan arbeide sjølvstendig og målretta
• Er motivert og fleksibel
• Har gode samarbeids- og kommunikasjonsferdigheiter
• Førarkort klasse B og tilgang til bil

Om stillinga Miljøarbeidar

Vil du vere med å gjere ein forskjell for ungdommane i Aukra? Ved Kulturavdelinga er vi på utkikk etter ein miljøarbeidar som vil arbeide med å skape dei gode møteplassane for ungdom på ettermiddag og kveld både på Julsundet og på Gossen.
Møteplass for ungdom i Aukra skal bidra til at ungdommen skal kjenne at dei høyrer til. Ungdom treng trygge og uformelle møteplassar på fritida. Kan du tenke deg å vere med å vidareutvikle ein arena der fokuset er å styrke inkluderingskulturen?

Til stillinga søkjer vi etter ein initiativrik og kreativ person med stort engasjement for ungdom. Den tilsette si rolle vil vere som inspirator, tilretteleggjar og rettleiar, ein som har tid til å lytte og samtale.

Arbeidsoppgåver:

• Arbeide målretta med å skape opne og inkluderande møteplassar
• Planlegge og gjennomføre ungdomsklubbkveldar og «Etter skoletid»

• Samarbeide med kommunale tenester, foreldre og det frivillig kulturlivet for å lage eit tilbod der alle ungdommar har lyst til å delta
• Utarbeide årshjul og halvårsplan i samarbeid med ungdommen og dei andre miljøarbeidarane.

Ønska kvalifikasjonar:

• Relevant utdanning, fagbrev og eller erfaring frå ungdomsarbeid er ønskeleg, men ikkje eit krav.
• Kompetanse i gaming, e-sport og digital kreativitet
• God digital kompetanse i marknadsføring av tilbod til ungdom
• Evne til å arbeide sjølvstendig innanfor dei gitte rammer
• Gode samarbeidseigenskapar og vere ein god rollemodell
• Kjennskap til og interesse for kultur i Aukra og trendar blant ungdom
• Personleg eignaheit vil bli vektlagt

For begge stillingane:

Stillingane er ledig frå og med 1. oktober 2025

Vi tilbyr:

• Gode pensjons- og forsikringsordningar i KLP
• Kommunale tilsetjingsvilkår og løn etter tariff
• Stønad frå eige fond for etter- og vidareutdanning
• Flyttegodtgjersle etter lokalt reglement

Særskilte krav:

Krav om politiattest   

Prøvetid

Gjensidig effektiv prøvetid på 6 månader

Søkarliste

Om du ønskjer å reservere deg frå oppføring på offentleg søkarliste, må du opplyse om og grunngje dette i søknaden. Opplysningar kan bli offentleggjort sjølv om du har bedt om ikkje å bli oppført på søkarlista, jfr. Offentleglova § 25. Du blir varsla dersom ønsket om reservasjon ikkje vert tatt til følge.

Søknad sendast

Aukra kommune nyttar elektronisk søknadsbehandling. Vi ber derfor om at du fyller ut elektronisk søknadsskjema via funksjonen "Søk på stilling"